ÓKIL IMAM BASTAǴAN DIN QYZMETKERLERI TÚZEÝ MEKEMESINDE NASIHAT JASADY (FOTO)

Qazaqstan musylmandary dinı basqarmasy Astana qalasynyń ókili, «Áziret Sultan» meshitiniń bas ımamy Erbolat Júsipov bastaǵan ımamdar Elordadan 50 shaqyrym jerde ornalasqan Arshaly kentindegi ETs-166/5 túrmesine baryp, arnaıy ýaǵyz-nasıhat aıtty.

Imamdar toby túzeý mekemesinde dinı radıkaldy aǵymdardy ustanýǵa jol bermeý, dinı aǵymdarǵa májbúrlemeý taqyrybynda aqparattyq túsindirme jumystaryn júrgizdi.

Din qyzmetkerleri ózderimen birge alyp barǵan 50 adamǵa arnalǵan ystyq taǵamdar men sýsyndaryn dastarhanǵa qoıyp, merzimin óteýshilerge shaı ústinde úgit-nasıhat jumystaryn jasady. Sondaı-aq, elorda ımamdary mekemedegi jat aǵym túsiniginde júrgen adamdarmen jekeleı kezdesýler ótkizdi.

Источник: Aidos