Nur-Sultan ókildigi Qarttar úıinde merekelik shara uıymdastyrdy (FOTO+VIDEO)

Búgin QMDB Nur-Sultan qalasy ókildiginiń uıymdastyrýymen Elorda irgesindegi «Shapaǵat» áleýmettik ortalyǵy – Qarttar úıinde «Qarttarym – asyl qazynam» atty merekelik shara bolyp ótti. Halyqaralyq Qarttar kúnine oraı uıymdastyrylǵan shara sanıtarlyq erejege sáıkes ortalyqtyń aýlasynda ótkizilip, kúzdiń qońyr kúni qarııalar úshin merekege aınaldy. Búgin alabóten jaımashýaqtana qalǵan aýa raıy da kóterińki kóńil kúı syılap, qarııalar tipti bıge de erik berdi.

Atalmysh sharaǵa «Áziret Sultan» meshitiniń naıb ımamy Ibragım Smataev pen «Nur Astana» meshitiniń bas ımamy Nurlan Ramazanov arnaıy qatysyp, izgi tilegin bildirdi. Búgingi merekemen quttyqtaǵan Bas múftı Naýryzbaı qajy Taǵanulynyń tilegin jetkizip, ıgilikti shara qarııalarǵa gúl taratýmen bastaldy. Án men jyrdan shashý shashylyp, qarttar úıiniń aýlasy búgin dýmanǵa toly boldy. Budan bólek, Nur-Sultan ókildiginiń atynan Qarttar úıine arnaıy azyq-túlik sómkeleri men qurma jemisteri tabystaldy.

Qarııalar qaýymyna qýanysh syılaǵan merekelik sharaǵa Ortalyq ujymy atynan dırektory Sáken Jekebaev izgi tilegin bildirip, qashanda Qazaqstan musylmandary dinı basqarmasy tarapynan qurmet pen izettiń, qaıyrymdylyq sharalarynyń úzilmeıtinin atap ótti.

Sýretter toptamasyn «FOTOGALEREIa» aıdarynan kóre alasyzdar!