Nur-Sultan ókildigi boıynsha 500 otbasyǵa azyq-túlik taratyldy (FOTO+VIDEO)

Búgin Qazaqstan musylmandary dinı basqarmasynyń uıytqy bolýymen elimizdiń barlyq ókildikterinde jóni bólek qaıyrymdylyq sharasy bolyp ótti. Jóni bólek deıtinimiz, bul qaıyrymdylyq sharasy júzdegen jandy baýyryna basyp, analyq meıirimin aıamaǵan Ábdimálikqyzy Bıbi Jamal apamyzdyń ómirden ótkenine qyryq kún ótýine oraı ótkizilip otyr. Asyl anamyzdyń artynda qalǵan urpaqtary juqpaly indet qaýpi órship turǵan kezeńde eske alý rásimin osylaı ótkizýdi jón sanap, ıgi bastama kóterdi. Aıta keteıik, elimizdiń barlyq ókildkterinde ótkizilgen shara aıasynda jalpy sany 6 300 otbasyǵa azyq-túlik sómkeleri taratylyp beriletin bolady.

Seksenge qaraǵan shaǵynda dúnıeden ozǵan Jamal apamyz qashanda qaıyrymdylyqtyń qaınar kózi bolǵan jan edi. Sanaly ǵumyrynda júzdegen balaǵa júrek jylýyn tókken Jamal apamyz óz qolymen 67 otbasyǵa baspana kiltin syılap, 80 astam adamǵa qajylyqqa tegin attandyrǵan. Keshegi Arys qalasyndaǵy jarylysta, Maqtaral men Qyzylaǵash aýyldaryndaǵy sý tasqyny kezinde de meıirban anamyz jylaǵan jurttyń janynan tabylyp, olarǵa demeý bola bildi. Elimizde ótkizilgen respýblıkalyq Quran jarystary men Máýlit kesheterine san márte demeýshilik jasaǵan jomart anamyzdyń dinge de qurmeti alabóten erekshe bolatyn.

Asyl ájeni eske alý arnalǵan qaıyrymdylyq sharasy el astanasyndaǵy respýblıkalyq «Áziret Sultan» meshitinde bastalyp, qala boıynsha 500 otbasyǵa azyq-túlik sómkeleri taratyldy. Shara aıasynda marqumnyń rýhyna arnaıy Quran baǵyshtalyp, duǵa jasaldy. Nur-Cultan qalasynyń bas ımamy Erbolat Júsipov anamyz jaıly az-kem estelikpen bólisip, týǵan-týystaryna jubatý aıtty.

Meshit qyzmetkerleri men ókildik janynan qurylǵan «Sharapat» eriktiler tobynyń músheleriniń qatysýymen budan soń taratý jumystaryna kirisip, azyq-túlik sómkelerin muqtaj otbasylardyń úılerine jetkizip berdi.

Sýretterdi «FOTOGALEREIa» aıdarynan kóre alasyzdar!