Nur-Sultan ókildigi aýrýhanalarǵa medıtsınalyq qurylǵylar tartý etti (FOTO)

Elorda meshitteri elimizde tótenshe jaǵdaı jarııalanǵannan bastap halyqqa meılinshe qol ushyn berip keledi. Osy úrdis boıynsha búgin Qazaqstan musylmandary dinı basqarmasy Nur-Sultan qalasy ókildigi Elordamyzdaǵy tórt aýrýhanaǵa denedegi satýratsııa deńgeıin anyqtaıtyn medıtsınalyq qurylǵylardy tartý etti.

Atap ótsek, Respýblıkalyq «Áziret Sultan» meshiti, Nur-Sultan qalasynyń bas ımamy Erbolat Júsipovtyń basshylyǵymen №1 Qalalyq aýrýhana, №2 Perınataldyq ortalyq, Nur-Sultan qalasynyń ortalyq jol aýrýhanasy, Nur-Sultan qalasy ákimdiginiń ShJQ «Kópsalaly medıtsına ortalyǵyna» joǵaryda atalǵan medıtsınalyq qurylǵylar halyq ıgiligi úshin tabys etildi.

Dárigerlerdiń aıtýynsha qazirgi ýaqytta aty jaman aýrýdyń birshama beti qaıtqan kórinedi. Dese de qıyn-qystaý kezeńde múmkindiginshe qol ushyn berip, qoldaý bildirip jatqan QMDB Nur-Sultan qalasy ókildigine óz alǵystaryn aıtyp jatty.

Sýretterdi «FOTOGALEREIa» aıdarynan kóre alasyzdar!