Nur-Sultan ókildigi 1160 oqýshyny mektepke daıyndady (FOTO+VIDEO)

Qazaqstan musylmandary dinı basqarmasyna qarasty elimizdegi barlyq meshitterde jappaı ótkizilgen «Mektepke jol» qaıyrymdylyq aktsııasyna bıylǵy jyly Nur-Sultan qalasy ókildigi de orasan úles qosty. Birinshi naıb múftı, Nur-Sultan qalasynyń bas ımamy Naýryzbaı qajy Taǵanulynyń tapsyrmasy negizinde qaıyrymdylyq aktsııasy qaladaǵy 11 meshitte ótkizilip, ár qulshylyq ordasy shama-sharqynsha muqtaj otbasylarǵa qýanysh syılaýǵa tyrysty.

Arnaıy bekitilgen keste boıynsha 23-28 tamyz aralyǵynda kezekpen ótken «Mektepke jol» qaıyrymdylyq aktsııasy Elordamyzdaǵy 1160 oqýshyny qamtydy. Bilim jolyndaǵy búldirshinderge mektep sómkeleri men qajetti qural-jabdyqtar tartý etilip, qarjylaı kómek te úlestirildi.

«Áziret Sultan» – 250 oqýshy
«Nur Astana» – 200 oqýshy
«Ǵylmanı» – 120 oqýshy
«Raısa ana» – 120 oqýshy
«Ás-Sálám»  – 90 oqýshy
«Áljan ana» – 80 oqýshy
«Tólebaı» – 50 oqýshy
«Sheıh Kýnta qajy» – 40 oqýshy
«Ál-Ǵanı» – 40 oqýshy
«Yryskeldi qajy» – 110 oqýshy
«Aqmeshit» – 60 oqýshy