NUR-SULTAN: 8 300 adamnyń suraǵyna jaýap berildi (FOTO)

Búgin Almatyda bastalǵan Qazaqstan musylmandary dinı basqarmasynyń keńeıtilgen Tóralqa májilisinde Nur-Sultan qalasy bas ımamynyń birinshi orynbasary Marat Dálelhanuly 2019 jyly atqarylǵan is-sharalar esebi týraly Bas múftı Serikbaı qajy Orazǵa baıandap berdi.

«Bıylǵy jyldyń basty oqıǵasynyń biri – respýblıkalyq «Áziret Sultan» meshiti janynan 33-30-30 Dinı aqparat berý call ortalyǵynyń iske qosylýy. Jyl basynan beri Elordamyzdaǵy eń bilikti din qyzmetkerleri 24 saǵat boıy 8 300 suraqqa jaýap berdi. Budan bólek meshitke kelgen 900 adamnyń saýalyna qatysty pátýa berildi» dep atap ótti M.Dálelhanuly.