«Nur-múbárak» ýnıversıtetine jańa rektor taǵaıyndaldy (FOTO)

«Nur-Múbárak» ýnıversıteti Qamqorshylar keńesiniń sheshimimen atalǵan oqý ornyna jańa rektor taǵaıyndaldy.

Keńestiń sheshimimen professor Mýhammad ash-Shahhat Abdýlhamıd Mýhammad ál-Jındı myrza «Nur-Múbárak» ýnıversıtetiniń rektory qyzmetine bekitildi.

QR Qoǵamdyq damý vıtse-mınıstri Berik Aryn men QMDB tóraǵasy, Bas múftı Serikbaı qajy Oraz jańa rektordy ýnıversıtet ujymy men stýdentterine tanystyrdy.

Igi sharada sóz alǵan Bas múftı Serikbaı Satybaldyuly:

«Bizdiń aldymyzda úlken jaýapkershilikti qyzmetter tur. Ol tarıhı kezeńdegi talap etiletin tarıhı eńbekter. Qazaq eli táýelsizdik alǵannan keıin boı kótergen bizdiń ǵajap ýnıversıtetimiz ben ǵylymı ortalyqtyń damyp kele jatqanyn maqtan tutamyz. Osyndaı bilim ordasynda tálim alýshy shákirtter osy jaýapkershilikti seziný kerek. Sebebebi elimiz dinı kadrlarǵa áli de muqtaj. Sondyqtan bolashaqtaǵy isterde yntymaqtasyp jumys jasaımyz degen oıdamyz», – dep senim bildirdi.

Óz kezeginde B.Aryn rektor jumysyna sáttilik tiledi.

​