Nur-Múbárak ýnıversıtetinde úsh kúndik kýrs bastaldy (FOTO)

Búgin Nur-Múbárak Egıpet ıslam mádenıeti ýnıversıtetinde pedagogıka ǵylymdarynyń kandıdaty, qaýymdastyrylǵan professor Tekesbaeva Anar Moldaqynovanyń jetekshiligimen «Praktıkalyq sabaqtardy uıymdastyrýdyń tıimdi joldary» taqyrybynda 3 kúndik kýrs bastaldy.

72 saǵattan turatyn kýrs maqsaty – joǵary oqý oryndarynda semınar, praktıkalyq sabaqtardy uıymdastyrýdyń tıimdi joldaryn kórsetý.

Kýrsqa ýnıversıtettiń «Arab jáne aǵylshyn tilder» kafedrasy men «Islamtaný» jáne «Dintaný» kafedrasynyń professor-oqytýshylar quramy qatysty. «Arab jáne aǵylshyn tilder» kafedrasynyń oqytýshylarynan Ásem Aqsholaqova, Danel Qaraǵoıshıeva, Tohtar Muhtarov, Dınara Kýshahmetova, Shynar Baqtııarova, al «Islamtaný» kafedrasynyń professor-oqytýshylarynan PhD doktornaty Rızabek Battaluly, Jumataev Ábilhaıyr, Ýısembaev Beıbit, Seııtmamatov Nurlan, Ilesbekov Bıjan, Alpyspaev Erǵalı, sondaı-aq «Dintaný» kafedrasynan PhD Dúısenbaeva Albına, Bazar Hamzeeva, Ermuhamet Majıtuly, B.Abdılhakım, Túsiphan Imamadı, Araılym Ábýbákirova boldy.

Odan ózge kýrsqa jetekshilerdiń qatarynan Qazaq Ulttyq qyzdar pedagogıgalyq ýnıversıteti Biliktilikti kóterý jáne qosymsha bilim berý ınstıtýtynan Hamzına Kamesh qatysty.
Kýrs barysynda semınar sabaqtardy júrgizýdegi ádistemelik joldar usynylyp, Blým taksonomııasy men EızenhaýEr matrıtsasyna toqtaldy. Alǵashqy dáriste aqparatty bilý, túsiný, qoldaný, analız jasaý, sıntezdeý, baǵalaý ádisteri túsindirildi.