«Nur-Múbarak» ýnıversıteti yntymaqtastyq memorandýmyna qol qoıdy (FOTO)

Qazaqstannyń perspektıvalyq zertteýler ınstıtýtynyń  dırektory  Djon Svını myrzany Nur-Múbarak ýnıversıtetiniń rektory, professor Mýhammad ásh-Shahhat ál-Jındı arnaıy qabyldady. Qos taraptaǵy basty maqsat: bilim men ǵylym salasynda áriptestik ornatyp, yntymaqtastyqpen óz úlesterin qosý.

Djon Svınıdiń Nur-Múbarak ýnıversıtetine alǵash kelýi, ol bolashaq  birlesken jobalar jasaý arqyly jalpy bilim, ǵylym salasyna jemisti jobalar jasaýǵa úmiti zor ekendigin jetkizdi. Rektor, professor Mýhammad ásh-Shahhat ýnıversıtettiń din salasyndaǵy maman daıarlaý erekshelikterimen qatar ǵylym salasyndaǵy jetistikterine de toqtaldy. Osylaısha qos tarap jan-jaqty suhbattan keıin yntymaqtastyq memorandýmyna qol qoıdy.

Bul kelisim boıynsha, gýmanıtarlyq, áleýmettik ǵylymdarmen ǵana shektelmeý, oqytýshy-professorlardyń biliktiligin arttyrý, jańa bilim baǵdarlamalaryn jasap, júzege asyrý, akademııalyq kezdesýler men sımpozıýmdar uıymdastyrý, t.b.ǵ ıaǵnı bilim, ǵylym salasyna qatysty máseleler qamtylǵan. Kezdesý barysynda qazaqy dástúrmen qurmetti qonaqtarǵa estelik retinde ulttyq naqyshtaǵy syıkáde jasalyp, sýretke túsip, ózara iltıpat tanytty. Qurmetti qonaqtar Nur-Múbarak ýnıversıtetimen jaqynyraq tanysyp, tynys-tirshiligi men atqaryp jatqan jumystaryna, ornalasqan jerine, jalpy oqý keshenine dán rızashylyqtaryn da ashyq jetkizip jatty.