Nur-Múbarak pen ERCIYES ýnıversıtetteri arasynda memorandým jasaldy (FOTO)

Nur-Múbarak ýnıversıtetiniń prorektory, dotsent Qaırat Qurmanbaev Túrkııaǵa barǵan issaparynda Kaıserı qalasyndaǵy Erciyes ýnıversıtetimen memorandýmǵa qol qoıdy. Osy qujat negizinde endi eki ýnıversıtet arasynda akademııalyq utqyrlyq jobasy boıynsha stýdentter almasý, oqytýshylar men ustazdardyń bilimin jetildirý, t.b. áriptestik jobalar boıynsha jumystar jasalmaq.

Erciyes ýnıversıteti – Túrkııanyń «Eń úzdik – 20 JOO» tobyna kiretin eń bedeldi memlekettik joǵary oqý oryndarynyń biri. Al álemdik deńgeıde eń tanymal ýnıversıtetterdiń 5% quramyna kiredi. Kaıserı qalasynda ornalasqan ýnıversıtettiń negizi 1978 jyly qalanǵan. Búginde 34 myń stýdent bilim alady, oqytýshy-professorlar quramy  2000 ǵalymdy quraıdy. «European University Association (EUA)» júıesindegi ýnıversıtetter qatarynda.

Álemdik deńgeıde bedeli bar ýnıversıtetpen memorandým arqyly áriptestikke jol ashý – Nur-Múbarak ýnıversıtetiniń dárejesin ańǵartsa kerek. Sondyqtan ýnıversıtet prorektory, dotsent Qaırat Qurmanbaev bul áriptestik bolashaqta óz jemisin beredi degen senimin bildirdi.