Nuh paıǵambar kemesi qaıda toqtaǵan?

Topan sý men Nuh kemesine arnalǵan murajaıdyń jobasy qala ákimine usynyldy, dep habarlaıdy ummet.kz tilshisi. 

Túrkııadaǵy Agra qalasynyń ákimi Súleımen Elbannyń aıtýynsha  Nuh paıǵambardyń kemesi Ararat taýyna kelip toqtaǵany kópshilikke málim. Al Ararat taýy osy Agra provıntsııasynyń aýmaǵynda. Taý ataýy túrikshe Ag(ǵ)ry-daǵy ıaǵnı Ag(ǵ)ry taýy degen maǵynany beredi. 

Degenmen, qalaǵa týrıster kelgende olarǵa osy bir aıtýly oqıǵaǵa qatysty kórseter eshteńeniń joqtyǵy qynjyltady deıdi qala ákimi. «Sol sebepti Topan sý men Nuh kemesine arnap murajaı ashýdy uıǵardyq», dep oıyn tujyrymdady Súleımen Elban. 

Sondaı-aq, ol jýrnalıstermen kezdesý barysynda murajaıdyń jobasyn tanystyryp ótti. Osylaısha qalanyń týrızm salasyndaǵy áleýetin kóterý kerektigin málimdedi.