Naýryzbaı Taǵanuly: Qarapaıym ımam ekenbiz demeńizder…
Túrkistanda ulttyń uly tulǵasy hakim Abaıdyń 175 jyldyq mereıtoıyna arnalǵan semınar ótip jatyr. Jıynǵa QMDB Tóraǵasynyń birinshi orynbasary, naıb múftı, Nur-Sultan qalasynyń bas ımamy Naýryzbaı qajy Taǵanuly qatysýda.
Birinshi naıb múftı birqatar ózekti máselelerdi ortaǵa saldy. Sondaı-aq, asyl dinimiz ámir etken nárselerdi istep, jumysty júıeli túrde júrgizýdi alǵa tartty.
Jergilikti halyqtyń dinı saýattylyǵyn arttyrý úshin áýeli ımamdardyń bilimi men biliktiligin kóterý qajet ekendigin eske saldy. Sondaı-aq, ókil ımamǵa ókildik janynan biliktilik arttyrý kýrsyn ashý, toqsandyq, jyldyq jospar túzý, «Imam Matýrıdı» mektebin qalyptastyrý tapsyryldy. Bul úshin múftııat tarapynan kestege saı, qajetti ustazdar da jiberilmek. Sol úshin ókildik tarapynan naqty jáne turaqty kontseptsııa ázirlenýi tıis.
Naýryzbaı qajy Taǵanuly:
– Múftııat bar, al, biz qarapaıym ımam ekenbiz dep jumysqa beıjaı qaraýǵa bolmaıdy. Únemi bilim jetildirý kerek. Qurandy kóbirek jattaý qajet. Aǵymdarmen jumysta jáne din nasıhatynda yjdahattylyq tanytýǵa tıissizder…
Meshittiń ádemiligi árli-berli ótken halyqty Allanyń úıine tartady. Sondyqtan sáýleti men sánine mán bergen jón. Meshitke kelgen balalardy qadaǵalaý, olardy ımandylyqqa tartýda nátıjege jetý kerek. Meshitterde aqıda, fıkh boıynsha aqparattyq-tanymdyq jadynamalar turýy tıis.
Aıta ketsek, Túrkistan qalalyq meshitteriniń uıymdastyrýymen ótip jatqan semınarǵa ǵalym-ustaz Abdýlla Joldas, RANT múshesi Arman Qýanyshbaev arnaıy qatysýda. Sondaı-aq, qurmetti qonaqtardyń qatarynda oblystyq Din máselelerin zertteý ortalyǵynyń teologtary da bar.
