Naýryzbaı qajy Taǵanuly Jıdebaıdy zııarat jasady (FOTO)

Semeı óńirine arnaıy kelgen Bas múftı Naýryzbaı qajy Taǵanuly saparyn Jıdebaıdan bastady. Munda eń aldymen Abaı rýhyna Quran baǵyshtalyp, qurbandyq shalyndy.

Keıin osy keshende qatar jatqan Shákárim Qudaıberdiulynyń da rýhyna Quran oqylyp, elge duǵa jasady. Zııarattan soń Bas múftı Abaı aýdanynyń ákimi Jarqynbek Baısabyrovpen birge Jıdebaıdaǵy murajaıdy aralady. Keshen jumysymen tolyq tanysqan soń Bas múftı  mýzeı ujymyna izgi nıetin jetkizip, qoltańba qaldyrdy. Jıdebaı qoryǵyna jasaǵan sapar barysynda jergilikti telearnalar men aqparat quraldaryna suhbat berdi.

Zııarattan soń Bas múftı aýdan ákimi Jarqynbek Borashuly úsh meshittiń qurylysy júrip jatqanyn baıandaı kele, bir meshit paıdalanýǵa berildi dedi. Qazirgi tańda Abaı aýdanynda 6 meshit eldiń ıgiliginde dep atap ótti ákim. Naýryzbaı qajy Taǵanuly óz kezeginde ákimge alǵys aıta kele, din isindegi dińgekti jumystar úshin rahmetin jetkizdi.

«Bıyl ózińiz basqaryp otyrǵan aýdan Abaı toıyna tyńǵylyqty daıyndalyp jatyr eken. Kóptegen jumystar qolǵa alynypty. Alla ár isterińizge bereke bersin. Abaı toıy eldiń toıy. Taǵylymǵa toly bolsyn» dedi Bas múftı.

Aıta keteıik, QMDB tóraǵasy osy saparynda Semeı qalasynda ótetin Hákim Abaı murasyna arnalǵan  aýqymdy konferentsııaǵa qatyspaq.