Naýryzbaı qajy Taǵanuly Túrkistanda salynyp jatqan nysandarmen tanysty (FOTO)

QMDB tóraǵasy, Bas múftı Naýryzbaı qajy Taǵanuly Túrkistan qalasynyń ákimimen birge jańa nysandardy aralady.

Onyń ishinde shahardyń Bekzat Sattarhanov atyndaǵy dańǵylynda tozyǵy jetip, qaıta salynǵaly jatqan Hılýet meshitiniń qurylysymen tanysty. Óıtkeni buǵan deıin dál osy orynda XIX ǵasyrda salynǵan meshit bolǵan. Eski qulshylyq orny súrilip, bıyl jańa meshit boı kótermek.

Odan bólek Ózbekstan respýblıkasynyń Túrkistan oblysyna syıy retinde salynyp jatqan 5000 adam erkin syıatyn meshit qurylysyn da bas múftı kózben kórdi. Qala ákimi atalǵan nysandardyń tolyq baqylaýda ekenin jetkizdi. Ózbekstan tarapynan salynyp jatqan qulshylyq orny qalanyń jańa aýdanynda boı kóteredi. Munan soń Rashıd Abatuly qalada bastalǵan jańa keshenderdiń de qurylysymen tanystyrdy.

Óz kezeginde bas múftı Túrkistan qalasynyń ákimine rızashylyǵyn bildirip, túrlengen Túrkistannyń búgingi kelbetine, rýhanı astananyń kún sanap damý deńgeıine joǵary baǵasyn berdi. Osylaısha aldaǵy ýaqytta áriptestik baǵytta birqatar jobalardy birge júzege asyrýǵa ýaǵdalasty.