Naýryzbaı qajy Taǵanuly rektordy qabyldady (FOTO)

Elordada Qazaqstan musylmandary dinı basqarmasy tóraǵasynyń Birinshi orynbasary, Astana qalasynyń Bas ımamy Naýryzbaı qajy Taǵanuly «Nur-Múbárak» ýnıversıtetiniń rektory, doktor Muhammed Shahat ál-Jındı myrzamen kezdesti.

Kezdesýge ýnıversıtet prorektory Qaırat Qurmanbaev, QMDB Halyqaralyq qatynas jáne protokol bóliminiń meńgerýshisi Ershat Ońǵarovtar qatysty.

QMDB-nyń Elordadaǵy jańa ǵımaratymen tanysqan rektor múftııat ujymyna qutty bolsyn aıtty.

Basqosý barysynda Muhammed Shahat ál-Jındı Birinshi naıb múftıge ýnıversıtettiń jumysy jaıly baıandady. Ekijaqty kezdesýde ýnıversıtet qabyrǵanda tálim alyp jatqan bolashaq din qyzmetkerleriniń bilimi men tájirıbesin arttyrý máseleleri talqylanyp, jan-jaqty sóz boldy.