NAÝRYZBAI QAJY TAǴANULY MÚFTILER KEŃESINIŃ OTYRYSYNDA BAIaNDAMA JASADY (FOTO)

Búgin Bakýde ótken Túrki memleketteri uıymy múftıler Keńesiniń úshinshi otyrysynda QMDB Tóraǵasy, Bas múftı Naýryzbaı qajy Taǵanuly baıandama jasady.

Bas múftı negizinen dinı, rýhanı týrızmdi damytý, ortaq jobalardy qoldaý, kóne qoljazbalardy saqtap, tarıhı jádigerlerdi keleshekke jetkizý jaıyn basa aıtty.

«Islam mádenıeti men órkenıetiniń damýyna zor úles qosqan tarıhı-mádenı oryndarǵa, tulǵalar men shyǵarmalarǵa arnalǵan «Senim týrızmi» salasyndaǵy jobalardy júzege asyrý boıynsha bastamalardy qoldaýǵa daıynbyz. Búgingi tańda bul rette QMDB «Darhan dala» atty jobany qolǵa aldy. Qazirgi tańda Ózbekstan elimen birge osy baǵytty damytýdamyz. Aldaǵy ýaqytta baýyrlas elder arasynda dinı týrızm, zııarat jasaý isinde jan jaqty qoldaý kórsetýge shaqyramyn.

Túrki elderiniń dinı, rýhanı jáne mádenı muralaryna qatysty ruqsat etilgen sırek qoljazbalardyń kóshirmelerin alýǵa járdemdesý jáne olardy qorǵaý maqsatynda túrki elderindegi murajaılarǵa birlesip barý jaǵyn erekshe qoldaımyn. Qazaqstan musylmandary dinı basqarmasy óz tarapynan búgingi ıgi iske úles qosýǵa daıyn. Baýyrlas elderdiń birligi bekem, yntymaǵy yrysty, jıynymyz jemisti bolǵaı! Barshańyzǵa Alla razy bolsyn!» dedi Bas múftı.

Aıta keteıik, Keńestiń buǵan deıin alǵashqy otyrysy Stambulda ótse, ekinshi jıyny Túrkistan qalasynda mamyr aıynda ótken bolatyn.