Naýryzbaı qajy Taǵanuly medrese ustazdaryn qabyldady (FOTO)

Búgin Nur-Sultan qalasyndaǵy respýblıkalyq «Áziret Sultan» meshitinde QMDB tóraǵasynyń birinshi orynbasary, naıb múftı Naýryzbaı qajy Taǵanuly «Astana» medrese-kolledjiniń ustazdarymen kezdesý ótkizdi. Qazaqstan musylmandary dinı basqarmasy men Ál-Azhar ýnıversıteti arasyndaǵy kelisimge saı «Astana» medresesinde ustazdyq qyzmet atqarǵan Alı Abdýssamıg Alı Abdýrahman men Saıd Mýhammed Ahmed Mýhammedpen qoshtasý rásimin ótkizip, izgi tilekpen shyǵaryp saldy.

Aıta keteıik, qos ustaz da «Astana» medrese-kolledjinde úsh jyl boıy Quran sabaǵy, arab tili men hadıs pánderin ótkizip kelgen bolatyn. Kelisim merzimi aıaqtalyp, medresedegi shákirtterin qımaı qoshtasqan qos ustaz úsh jyl boıǵy ystyq yqylastary men qurmetteri úshin qazaq jurtyna óz alǵystaryn jetkizdi. Kezdesý sońynda ustazdarǵa arnaıy estelik syılyqtar tabystaldy.