Naýryzbaı qajy Taǵanuly medrese shákirtterine dáris oqydy (FOTO)

Búgin Almatyǵa is-saparmen kelgen Bas múftı Naýryzbaı qajy Taǵanuly «Ábý Hanıfa» medrese-kolledjiniń shákirtterimen kezdesip, olarǵa dáris oqydy.

Shákirtterge nasıhat aıtqan QMDB Tóraǵasy Naýryzbaı qajy Taǵanuly: «Qadirli shákirtter, ini-baýyrlarym, bilim jolynda júrgen musylmanǵa perishteler qanatyn jaıyp, qurmet kórsetetini týraly hadısti barshańyz bilesizder. Alla Taǵala bilim alýshy pendesiniń dárejesin arttyrady. Sizder osy medreseden úzdiksiz bilim alyp, dinge, elge qyzmet etseńizder, Allanyń jarylqaýy men halyqtyń yqylasyna bólenesizder degen úmittemin. Medresede bilim alýǵa barlyq jaǵdaı jasalǵan. Medrese máselesi – meniń jiti nazarymda. Men sizderdiń kez kelgen usynys-tilekterińizdi oryndaýǵa daıynmyn. Osy oqý ordasynan bilimdi, taqýa, otanshyl, ǵalym azamattar shyǵady degen senimdemin. Elge, dinge qyzmet etýden asqan ǵazız nárse joq. Osyny umytpaǵaısyzdar», – dedi.

Bas múftı óz dárisinde «Jeti rýhanı qazyq» Qazaqstan musylmandarynyń rýhanı tuǵyrnamasynda jazylǵan qundylyqtardyń máni men mańyzyn aıryqsha atap ótti.

Shákirttermen ótken erkin pikirlesý sharasynda medrese túlekteri ózderin tolǵandyrǵan suraqtaryn qoıyp, Bas múftıden jaýap aldy. Oqý salasy boıynsha qoıylǵan qosymsha suraqtarǵa QMDB Dinı bilim jáne kadr daıarlaý bóliminiń meńgerýshisi Beıbit Myrzageldıev jaýap berdi.

Kezdesý sońynda Naýryzbaı qajy Taǵanuly shákirtterge, medrese ustazdaryna duǵa jasap, estelikke syı-káde berdi. Medrese dırektory Qulmuhammed Mahanbet Bas múftı bastaǵan QMDB ujymyna alǵys aıtty.