NAÝRYZBAI QAJY TAǴANULY ISLAM FIQHY AKADEMIIaSYNYŃ MÚShESI ATANDY

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Dúnıejúzilik ıslam lıgasy janyndaǵy Islam fıqhy akademııasynyń múshesi atandy.

Saýd Arabııasy Koroldiginiń astanasy Er-Rııadta DIL janyndaǵy Islam Fıqh akademııasynyń 23-otyrysynda Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulyn bedeldi akademııanyń músheligine qabyldaý týraly sheshim qabyldandy.

Jıynǵa qatysýshy ıslam áleminiń jetekshi ǵulamalary Bas múftıdi quttyqtap, Qazaqstandaǵy dinı saladaǵy jumystaryn joǵary baǵalady.

Aıta keteıik Qazaqstan musylmandary dinı basqarmanyń musylman álemimen qarym-qatynasy damyp, túrli baǵytta baılanystar jolǵa qoıylǵany sóz boldy.

Anyqtama: Dúnıejúzilik ıslam lıgasynyń Islam quqyǵy (fıqh) akademııasy ǵylymı uıym. Táýelsiz quqyqsýbektili uıymǵa ıslam elderiniń tańdaýly zańgerleri men ǵalymdary múshe. 1977 jyly qurylǵan.
 

Akademııanyń mindetteri:

- Quqyqtyq qaýlylardy túsindirý. Óıtkeni, álemniń ár túkpirindegi musylmandar ıslam quqyǵynyń moıyndalǵan qaınarlaryna baılanysty týyndaǵan túrli jańa máselelermen betpe-bet kelýde;
- Islam quqyǵy murasyn taratý jáne jańǵyrtý. Dáýir tili men kontseptsııasyna saı onyń termınologııasyn naqtylaý.
- Islam quqyqtanýy salasyndaǵy ǵylymı zertteýlerdi qoldap, yntalandyrý;
- Ózekti saýaldarǵa qatysty senimdi ǵalymdar men bedeldi zań akademııalarynyń pátýalary men zań turǵysyndaǵy pikirlerin jınaqtap, qarapaıym musylmandar arasyna taratý;
- Islam quqyǵy jarǵylaryna qatysty týyndaǵan kúmándi saýaldardyń jaýabyn taýyp, sheshý.

​