Naýryzbaı qajy Taǵanuly Arystan bab kesenesine zııarat jasady (FOTO)

Túrkistan oblysyna arnaıy jumys saparymen kelgen QMDB Tóraǵasy, Bas múftı Naýryzbaı qajy Taǵanuly Otyrar aýdanyna at basyn burdy.

Bas múftı Otyrar aýdanynyń ákimi Ábdiǵalı Júnisovpen kezdesip, múftııatqa qatysty saýaldarǵa jaýap berdi. Aýdan basshysy Bas múftıdi qyzmetimen quttyqtap, ortaq jobalardy birlesip júzege asyrýǵa ýaǵdalasty. Sondaı-aq Naýryzbaı qajy Taǵanuly Arystan bab kesenesine arnaıy zııarat jasady. Munda qurbandyq shalynyp, Quran oqyldy.

Budan keıin Bas múftıdiń sapary Túrkistan qalasynda jalǵasty. Ol jaıly aldaǵy ýaqytta habarlaımyz.

​