«Nátıje» sút fabrıkasy tekserildi (FOTO)
Halal ónimderin standarttaý bóliminiń Qaraǵandy qalasy boıynsha jaýapty ókili Ysqaq Abdrahmanov pen sarapshy-tehnolog Araıgúl Baqytqyzy Natige Milk saýda belgisimen tanylǵan sút fabrıka qyzmetkerlerine «Halal men haram» jaıynda semınar ótkizdi.
Oqý-semınar barysynda halaldyń mańyzdylyǵy, halal standart boıynsha ónim óndirýdiń tıimdiligi men artyqshylyǵy, «E taǵamdyq qospalary», halal azyq tutynýdyń paıdasy, haramnyń ult bolashaǵy men dinimizge, óskeleń urpaqqa, adam densaýlyǵyna zııany jóninde toqtalyp, qundy aqparattar berildi.
Fabrıka qyzmetkerleri ózderin tolǵandyratyn suraqtardy qoıyp, tushymdy jaýaptar aldy. Qundy aqparattarymen bólisken halal bóliminiń mamandaryna rızashylyqtaryn bildirdi. Oqý-semınardan keıin sút fabrıkasynda kezekti aılyq tekseris jumysy júrgizildi. Tekseris barysynda fabrıkanyń barlyq jumystarynda halal standart talaptarynyń saqtalýy basty nazarǵa alyndy.
Tseh bir kúnde 80 tonnadan asa shıkizat óńdeýge qaýqarly. Eshqandaı qospasyz daıyndalyp, 5-8 kún aralyǵynda qysqa merzimdi saqtaýǵa arnalǵan ónimderdiń saqtalýynda da standart talaptarynyń oryndalýy eskerilgen. Mekeme óz ónimderin Qaraǵandy oblysyna, Nur-Sultan, Ekibastuz, Pavlodar qalalaryna jetkizetindikten, tasymaldaý barysynyń da standartqa sáıkes kelýi qarastyryldy.
Sút ónimderin óndirý jáne qaptaý barysynda zamanýı jáne joǵarǵy sapaly, álemdik kóshbasshylardyń biri retinde tanylǵan Tetra Pak qural-jabdyqtary qoldanylady. Sút fabrıkasynyń barlyq protsessinde QMDB halal standart talaptarynyń saqtalǵan jáne ónimder joǵary sapada óndirilýde.
