Naıb múftı Shymkenttiń jańa ókil ımamyn tanystyrdy (FOTO)

Qasıetti juma kúni Qazaqstan musylmandary dinı basqarmasynyń tóraǵasynyń birinshi orynbasary, naıb múftı Naýryzbaı qajy Ótpenov Shymkent qalasyna arnaıy keldi.

Is sapary aıasynda Qazaqstan musylmandary dinı basqarmasynyń tóraǵasy, Bas múftı Serikbaı qajy Satybaldyuly hazrettiń buıryǵymen Beısenbaev Baqtybaı Qydyrbaıuly burynǵy Ońtústik Qazaqstan oblysy boıynsha ókil ımamy qyzmetinen bosatylyp,  Shymkent qalasy boıynsha ókil ımamy bolyp taǵaıyndaldy. Taǵaıyndaý rásimine QMDB tóraǵasynyń birinshi orynbasary, naıb múftı Naýryzbaı qajy Ótpenov arnaıy qatysyp, tanystyrdy.

Sondaı-aq, naıb múftı Shymkent qalasynyń ortalyq meshitinde juma namazyn júrgizip,  elimizdiń ıgiligi men halqymyzdyń birligi úshin duǵa etip, bata berdi.

 

Beısenbaev Baqtybaı Qydyrbaıuly

1972 jyly Ońtústik Qazaqstan oblysynda dúnıege kelgen.

Bilimi:

1992 jyly Ózbekstan Respýblıkasy Ándijan qalasy «Saıd Mýhıddın Mahdým» medresesinde bilim alǵan;

1996 jyly Tashkent qalasyndaǵy «Imam Býharı ıslam ınstıtýtynyń» «Islamtanýshy», «Imam hatıb», «Arab tili muǵalimi» biliktilikteri berildi;

2012 jyly «L.N.Gýmılev atyndaǵy Evrazııa ýnıversıteti» «Fılosofııa jáne saıasattaný» fakýltetiniń «Dintaný» mamandyǵy boıynsha magıstranty;

Dıssertatsııa taqyryby: «Jeke tulǵanyń qalyptasýyndaǵy ıslamnyń moraldyq mańyzy»;

2016 jyly «Nur Múbarak» Egıpet Islam mádenıeti ýnıversıtetiniń PhD doktoranty;

Dıssertatsııa taqyryby: «Qazaqstandaǵy ıslamı bilim: tarıhy, qazirgi kúıi jáne damý keleshegi»

Jumys tájirıbesi:

1996-1998 j. OQO Saryaǵash aýdany, Túmen ata meshitiniń bas ımamy;

1998-2003 j. OQO Saryaǵash aýdany, M.P.Okorokov atyndaǵy orta mekteptiń arab tili muǵalimi;

2003-2005 j. QMDB-nyń Dinı oqý-aǵartý bóliminiń referenti;

2005 j. Almaty qalasy, Nur Múbarak meshitiniń Bas ımamy;

2005 j. Sáýir aıynan Astana qalasy S.Ǵylmanı meshitiniń Bas ımamy;

2013 j. Almaty qalasy ortalyq meshitiniń naıb ımamy.

2014 j.  QMDB-nyń dinı bilim jáne ǵylym (qazirgi tańda dinı bilim jáne kadr daıyndaý) bóliminiń meńgerýshisi.

2018 jyldyń 02 shildesine deıin Qazaqstan musylmandary dinı basqarmasynyń Ońtústik Qazaqstan oblysy boıynsha ókil ımamy,  oblystyq ortalyq meshitiniń bas ımamy.

2018 jyldyń 02 shildesinen bastap, Qazaqstan musylmandary dinı basqarmasynyń Shymkent qalasy boıynsha ókil ımamy,  ortalyq meshitiniń bas ımamy.

Biliktilikti arttyrý kýrstary:

«Bilim men biliktilikti jetildirý kýrsy» (QMDB, Astana qalasynyń ókildigi, 2012), «Zaıyrly memleket jáne din» (Astana qalasy, L.N.Gýmılev atyndaǵy EUÝ, 2012), «Biliktilikti arttyrý kýrsy», (Almaty qalasy, «Nur-Múbarak» ýnıversıteti, 2014), «Tehnıkalyq jáne kásiptik bilim berý júıesiniń jańa formattaǵy pedagogi» taqyrybyndaǵy oqytýshylardyń biliktiligin arttyrý kýrsy (Astana qalasy, 2017).

Eńbekteri:

Muhammad Ashıq ál-Barna. Tashıl ád-Darýrı (Sharıǵat máseleleri) kitabynyń arab tilinen aýdarmasy, 2005 j.;

«Rýhtyń shamshyraǵy» ımamdarǵa arnalǵan juma ýaǵyzdarynyń jınaǵy, 2008 j.;

«Islam aqıdasy» dinı oqý oryndaryna arnalǵan oqýlyq, 2011j;

Ortaǵasyrlyq arab-musylman ǵalymy Ábý Hamıd ál-Ǵazalıdiń shyǵarmalaryndaǵy «Kórkem minez» máselesi. – Astana, 2011j: «Ǵylym jáne bilim ǵasyry» atty ǵylymı jurnaly;

«Qurandaǵy moral máselesi» – Astana, 2012j. «Zertteýshi» ǵylymı jurnaly;

QR BǴM 2015 jylǵy tamyzdaǵy № 3 hattamasymen bekitilip, QMDB oqý oryndarynda qoldanysqa engizilgen «0112000–ISLAMTANÝ» mamandyǵy boıynsha Tehnıkalyq jáne kásiptik bilimniń Eksprımenttik oqý josparlary men bilim beretin oqý baǵdarlamalarynyń avtory;

QR BǴM 2018-2019 oqý jyly QMDB oqý oryndarynda qoldanysqa arnalǵan «0112000–ISLAMTANÝ» mamandyǵy boıynsha Tehnıkalyq jáne kásiptik bilimniń tıptik oqý josparlary men bilim beretin oqý baǵdarlamalarynyń Bas sarapshysy;

100-ge jýyq ártúrli dinı-aǵartýshylyq,tanymdyq taqyryptaǵy maqalalardyń avtory.