Naıb múftı sábılerdiń tusaýyn kesti (FOTO)

Bas múftı Serikbaı Orazdyń bastamasymen bıylǵy jyl «Islam jáne otbasy» jyly bolyp jarııalanǵan edi. Osyǵan oraı Kókshetaý qalasyndaǵy «Jaqııa qajy» meshitiniń janynda «Januıa jarasymy» ortalyǵy ashylyp onda qazaqtyń ulttyq salt dástúrlerin dinı joralǵylarmen ushtastyryp ótkizý maqsat etilgen bolatyn.

Kókshetaý qalasyndaǵy is-sapary barysynda QMDB tóraǵasynyń orynbasary, naıb múftı Alaý Ádilbaev atalmysh ortalyqta bolyp «Izgi analar» klýbynyń suraýymen búldirshinderdiń tusaýyn kesip, nárestelerge batasyn berdi.

Naıb múftı dástúrli dinniń ulttyq bolmysymyzben bite qaınasqan rásimderiniń taǵylymyna jan-jaqty toqtaldy. Elimizdiń bolashaǵy jas urpaqtyń sanasyna ımanı tárbıeniń sáýlesin sińirý asa qajet ekenin tilge tıek etti.

«Januıa jarasymy» ortalyǵynyń ulttyq hám dinı tárbıe berýge negizdelgen bastamasyna oń baǵa berdi.

​