Naıb múftı Naýryzbaı qajy Taǵanuly – Aqtóbede (FOTO)

Aqtóbedegi III aımaqtyq ımamdar forýmyna Elordadan QMDB tóraǵasynyń birinshi orynbasary, naıb múftı, «Áziret Sultan» meshitiniń Bas ımamy Ótpenov Naýryzbaı qajy Taǵanuly kelip qatysty. Osy saparynda Naýryzbaı qajy Taǵanuly Temir aýdanyna arnaıy sapar shekti. Oblys ortalyǵynan shalǵaı ornalasqan óńirge naıb múftımen birge Aqtóbe oblysynyń Bas ımamy Tólebı qajy Ospan men oblystyq din isteri basqarmasynyń basshysy Álimbek Turalıev te bardy.

Naıb múftıdi Temir aýdanynyń ákimi Joldas Qalmaǵambetov bastaǵan azamattar qurmetpen kútip aldy. Naýryzbaı qajy Taǵanuly Shubarqudyq eldimekenine jaqyn jerdegi qasıetti ata-baba qorymyna baryp, Qońyr Qashaq balasy Dosjan Hazrettiń basynda Quran oqydy.

Budan keıin naıb múftı Aqtóbe medrese-kolledjinde bolyp, tynys-tirshiligimen tanysty. Atalmysh oqý ornynyń dırektory Ábdimútáli Dáýrenbekov Naýryzbaı qajy Taǵanulyn jańadan salynyp jatqan oqý korpýsymen jáne sport keshenimen tanystyrdy. Kolledj shákirtterimen kezdesken naıb múftı bolashaq din salasynyń ókilderine kemel keleshek tilep, batasyn berdi.