NAIB MÚFTI HALYQARALYQ KONFERENTsIIaǴA QATYSTY
QMDB Tóraǵasy Naýryzbaı qajy Taǵanulynyń tapsyrmasymen naıb múftı, Sharıǵat jáne pátýa bóliminiń meńgerýshisi Sansyzbaı Qurbanuly Kaır qalasynda Mysyr Arab Respýblıkasynyń Prezıdenti Abdýl Fattah as-Sısıdiń qamqorlyǵymen ótken «Zııatkerlik qaýipsizdikke qol jetkizýdegi pátýa» halyqaralyq konferentsııasyna qatysty.
Musylman áleminiń ǵalymdary, múftıleri jáne pátýa mamandary qatysqan konferentsııa Dúnıejúzilik pátýa kúnine oraı alǵash ret ótkizilip otyr. Sansyzbaı Qurbanuly konferentsııa qatysýshylaryna Bas múftı Naýryzbaı qajy Taǵanulynyń sálemin jetkizip, baıandama jasady.
«Zııatkerlik qaýipsizdik jeke adamdar men ulttardyń turaqtylyǵynyń negizin quraıdy jáne qazirgi zamannyń zııatkerlik syn-qaterlerine qarsy turýǵa kómektesedi. Qazaqstandaǵy dinı ınstıtýttar orta joldaǵy ıslam qundylyqtaryn nyǵaıtýǵa jáne qazaqı ulttyq biregeılikti qorǵaýǵa úlken kúsh jumsap jatyr. Zııatkerlik qaýipsizdikti nyǵaıtý jáne jastardyń sanasyn qazirgi zamanǵy syn-qaterlerden qorǵaý úshin dinı, memlekettik jáne qoǵamdyq uıymdardyń birlesip áreket etýi mańyzdy. Qazirgi zamanǵy zııatkerlik qaýip-qaterlerge qarsy turýda zııatkerlik qaýipsizdikti nyǵaıtýdyń asa mańyzdy. Zııatkerlik qaýipsizdik jeke adamdar men qoǵamnyń turaqtylyǵyn qamtamasyz etedi ári ateızm men Ekstremızm sııaqty máselelerge qarsy turýǵa múmkindik beredi» dedi naıb múftı.
