Naıb múftı Iran elshisiniń keńesshisimen kezdesti (FOTO)

Qazaqstan musylmandary dinı basqarmasy tóraǵasynyń orynbasary, naıb múftı Baýyrjan qajy Ábdirashuly Iran elshiliginiń mádenı isteri jónindegi keńesshisi Álı Kebrıaı Zade myrzamen kezdesti.Resmı kezdesýge QMDB Halyqaralyq qatynas jáne protokol bóliminiń meńgerýshisi Ershat Ońǵarov ta qatysty.

Ekijaqty kezdesý barysynda taraptar qarasha aıynda Iranda ótetin halyqaralyq konferentsııa jaıynda áńgimelesti. Óz kezeginde Álı Kebrıaı QMDB Tóraǵasy, Bas múftı Serikbaı qajy Orazdy osynaý halyqaralyq konferentsııaǵa shaqyryp, ıgi tilegin jetkizdi.

Sonymen qatar, naıb múftı Baýyrjan Esmahan QMDB-nyń jumys barysyndaǵy baǵyt-baǵdaryn tilge tıek etip, dinı saladaǵy aýqymdy jobalarmen tanystyryp, t.b. máseleler tóńireginde suhbattasty.Kezdesý sońynda taraptar ekijaqty yntymaqtastyqty arttyrý boıynsha birlesken jobalardy júzege asyrýǵa ýaǵdalasty.