Naıb múftı BUU birlesken sharasyna qatysty (FOTO)
QMDB tóraǵasynyń orynbasary, naıb múftı Ershat Aǵybaıuly elordada eki kúnge jalǵasqan BUU janyndaǵy halyqtyń qonystanýy salasyndaǵy qordyń otyrysyna qatysty. Naıb múftıden bólek bul sharaǵa Ulybrıtanııa Elshiligindegi saıası máseleler jónindegi hatshy Djekı DEvıs, qordyń Qazaqstandaǵy ulttyq koordınatory Ǵazıza Moldaqulova jáne din salasyndaǵy beldi ımamdar men teologtar keldi. Dinı qaıratkerlerdiń basyn qosqan jıynda birneshe mańyzdy máseleler kóterildi.
Atap aıtqanda jumys tobynyń otyrysynda ana jáne reprodýktıvti densaýlyqty qorǵaý, otbasylyq qundylyqtardy nyǵaıtý, ata-ananyń bala aldyndaǵy jaýapkershiligin arttyrý jáne jastardy Ekstremıstik dinı aǵymdardan satqtaý jaıy keńinen talqylandy. Otyrysta negizinen áıeldiń qoǵamdaǵy róli, otbasyndaǵy quqyǵy keńinen aıtyldy. Óıtkeni sońǵy 6 jylda júrgizilgen zertteýler nátıjesi áıelderge jasalǵan zorlyq-zombylyqtyń artqanyn kórsetip otyr. BUU janyndaǵy halyqtyń qonystanýy salasyndaǵy qor endigi kezekte din ókilderimen birlese osy máseleniń aldyn almaq. Jıyn sońynda keshendi oqý-ádistemelik baǵdarlamasyn daıyndaý týraly kelisimge keldi.
«Sońǵy 7 jylda atalǵan qormen belsendi jumys istep kelemiz. Dinimizde áıeldiń quqyǵy, onyń dárejesi, ana retindegi róli erekshe kórsetilgen. Anańa jaqsylyq jasaǵandaı, áıelińe de tek qaraý dinimizdiń bir sharty. Sondyqtan áıel adam otbasynda, qoǵamda qysastyq kórmeýi tıis. Búgingi jıynda analardyń aınaladan qysym kórmeýin boldyrmaý maqsatynda kóptegen usynystar aıtyldy. Osy baǵyttar boıynsha birlesken jumysymyzdy jalǵastyramyz»,- dedi naıb múftı Ershat Aǵybaıuly.
