Naıb ımamdar men ustazdar Bas ımam «Alǵys hatymen» marapattaldy (FOTO)

Búgin respýblıkalyq «Áziret Sultan» meshitinde ótken «IV Imamdar forýmy qujattaryn talqylaý» atty ókildik jınalysynyń ekinshi bóliminde jyl boıy jemisti qyzmet atqaryp kelgen naıb ımamdar men ustazdar qaýymyna Nur-Sultan qalasy bas ımamynyń arnaıy «Alǵys haty» tabystalyp, marapattaý rásimi bolyp ótti.

Bıylǵy jyldyq esep boıynsha qysqasha maǵlumat berip ótken shahar bas ımamy Erbolat Júsipov barsha qyzmetkerlerge óz rızashylyǵyn bildirip, jumys nátıjesin joǵary baǵalaıtynyn jetkizdi. Ýaǵyz-nasıhat, oqý-aǵartý, teris aǵymdarmen jumys, qaıyrymdylyq sharalary, Áıel-qyzdar jáne Jastar isi sektory jumystaryna qysqasha sholý jasap, 2020 jyly júzege asyrylǵan jańa jobalar men aýqymdy sharalardy atap ótti.

Osyǵan oraı, jıyn sońynda Nur-Sultan ókildigi boıynsha bıylǵy jyly jemisti qyzmet atqarǵan naıb ımamdar men ustazdar qaýymyna arnaıy «Alǵys hat» tabystap, marapattaý rásimin ótkizdi. Qalalyq meshitterdiń bas ımamdaryna buǵan deıin ótken jyldyq jınalys barysynda marapat berilgenin aıtyp ótip, búgingi jınalystyń naıb ımamdar men ustazdarǵa arnaıy uıymdastyrylyp otyrǵanyn jetkizdi.

Marapattaý rásiminiń sońynda Qazaqstan musylmandary dinı basqarmasynyń mereıtoıyna arnap shyǵarylǵan merekelik medalǵa ıe bolǵan Jumanazar Sadyrhanov («Áziret Sultan» meshiti), Ádil Agıtaev («S.Ǵylmanı» meshiti) jáne Tólegen Arǵynbaıulyna («Áljan ana» meshiti) arnaıy tósbelgisin qadap, laıyqty qurmet kórsetildi.

Sýretterdi «FOTOGALEREIa» aıdarynan kóre alasyzdar!