MUSYLMAN ZIRATTARYN TAZALAÝ JUMYSTARY JÚRGIZILDI (FOTO)
Búgin Qazaqstan musylmandary dinı basqarmasynyń 2023 jylǵy aıtýly sharalar josparyna saı, «Ótkenge qurmet – tirige mindet» taqyrybynda «QAMQOR-SNARAPAT» salttyq qyzmet kórsetý ortalyǵynyń uıymdastyrýymen elimizdiń barlyq aýmaǵyndaǵy zırat basyna tazalyq jumystary júrgizildi.
Musylman zıratynyń mańaıyn tazalap otyrý - jáı ǵana mindet emes, izgi amal. Osy izgi amaldy óskeleń urpaqqa kórkem túrde nasıhattaý, dúnıede qadirli bolǵan musylman adamnyń qabirin aıaqasty etpeı, qurmetpen qaraý - búgingi sharanyń negizgi maqsaty.
Astana qalasynyń din qyzmetkerleri men eriktileri Elordadaǵy úlken 7 zıratty tazalady. Igi sharaǵa kirispes buryn Allanyń kálamyn saqtaǵan qarı Quran oqyp, qorymda jatqan barsha árýaqtar rýhyna baǵyshtady. Qazaqy dástúrge saı úlken aqsaqalda bata alynyp, jıylǵan jurt saýapty iske kiristi.
QMDB «Ýaqyp» qorynyń ókili Ardaq Orazbaı sóz sóılep, QMDB tóraǵasy, bas múftı Naýryzbaı qajy Taǵanulynyń lebizin jetkizdi. Búgingi sharanyń ótýine uıytqy bolǵan «QAMQOR-SNARAPAT» salttyq qyzmet kórsetý ortalyǵynyń dırektory Meırambek Qabylbekuly ózderin tanystyryp, ortalqtyń negizgi mindetterin atap ótti. Igi shara barysynda «Áziret Sultan» meshitiniń naıb ımamy Ádilhan Imanáliuly búgingi sharanyń mańyzdylyǵyn atap, túsindirý jumystaryn júrgizip otyrdy.
Zırattar tazalanyp bolǵan soń qabirlerdi zııarat etýdiń erejeleri jazylǵan taqtaısha ilinip, QMDB-nyń 2020 jyly ımamdardyń respýblıkalyq IV forýmynda qabyldaǵan «Zırat jáne zııarat mádenıeti» qujaty jamaǵatqa túsindirildi.
«Alla Taǵala Qurandaǵy «Isra» súresiniń, 70-aıatynda: «Rasynda Adam balasyn ardaqtadyq» dep, adamdy tiri kúninde de, dúnıe salǵannan soń da qurmetteýge buıyrǵan. Asyl dinimiz dúnıeden qaıtqan adamdy sońǵy saparyna jýyndyryp, arýlap aq mataǵa orap, hosh ıis seýip, janazasyn oqyp, qurmetpen Jer ana qoınaýyna tapsyrady jáne odan keıin de dúnıeden ótken adamnyń ary men abyroıyn qurmetteýge úndeıdi. Qaıtys bolǵan adamnyń esep-qısap bolatyn qııametke deıingi ýaqytsha mekeni bolǵan qabirlerdi taza ustaý – barshamyz úshin qaıyrly is sanalady» deıdi uıymdastyrýshylar.
Atalmysh ıgi is-sharaǵa meshitterdiń din qyzmetkerleri men erikti jamaǵat, sondaı-aq jergilikti atqarýshy organdar men mekemeler de qatysty.
Источник: Aidos
