MUQTAJ OTBASYDAN ShYQQAN BALALAR TEGIN SÚNDETKE OTYRǴYZYLDY (FOTO)

Búgin 1 maýsym balalar kúnine oraı Astanadaǵy №2 balalar emhanasynda áleýmettik kómekke muqtaj 30 otbasynyń ul balalary tegin súndetke otyrǵyzyldy. 

Atalmysh sharaǵa máslıhat tóraǵasy Erlan Kanalımov, «Amanat» partııasynyń qalalyq basshysy Muqamedjan Bolysbek, Astana qalasynyń bas ımamy Erbolat Júsipov, densaýlyq saqtaý basqarmasynyń bastyǵy Álııa Rýstemovalar qatysyp súndetke otyrǵyzý rásimine qutty bolsyn aıtyp, ıgi tilekterin bildirdi. 

Sondaı-aq, ınklıýzıvti balalarǵa anımatorlar shaqyrylyp, merekelik kóńil-kúı ornap, balalar máz-meıram boldy. 

Sharaǵa qatysýshylar men ata-analar qaýymy emhana basshylyǵy men qyzmetkerlerine rızashylyq bildirip, ult bolashaǵy - balalar densaýlyǵyna jasap jatqan jumystaryna abyroı tiledi.