Múftııat III Respýblıkalyq ımamdar forýmyn ótkizedi (FOTO)

Bul týraly Elordada ótken kezekti apparat jınalysynda Bas múftı Serikbaı qajy Oraz málimdedi.

Respýblıkalyq forýmdy aldaǵy qazan aıyna ótkizý josparlanýda. Búginde daıyndyq jumystary bastaldy.

«Aldymyzda atqaratyn úlken joba – III respýblıkalyq ımamdar forýmyn uıymdastyrý. Bul ıgi sharany joǵary deńgeıde ótkizý úshin árqaısymyz óz salamyz boıynsha belsendi túrde atsalysýymyz qajet», – dep atap ótti Serikbaı Satybaldyuly.

Elordada osymen úshinshi ret ótkeli jatqan forýmda elimizdegi dinı rásimderdi birizge túsirýge jáne din qyzmetkerleriniń dinı laýazymdaryn bekitýge baǵyttalǵan birneshe qujat qabyldanbaq.

Aıta ketsek, osyǵan deıin Nur-Sultan qalasynda eki ret ımamdar forýmy ótip, búgingi musylmannyń kelbeti, ımam Etıkasy syndy qujattar qabyldanǵan bolatyn.