MÚFTIIaT ELORDADA AÝYZAShAR BERDI

Elordamyz Astana qalasyndaǵy Respýblıkalyq Bas meshitte Qazaqstan musylmandary dinı basqarmasynyń uıymdastyrýymen «Ramazan – izgilik aıy» ataýymen rýhanı aýyzashar keshi ótti. Is-sharaǵa zııaly qaýym ókilderi, musylman memleketteriniń elshileri, QMDB janyndaǵy Aqsaqaldar, Sarapshylar jáne Jastar keńesiniń músheleri, sondaı-aq qarttar úıiniń qarııalary qatysty.

Kesh qonaqtary aldymen dinı basqarmanyń «Din men dáýir» fotokórmesin tamashalady. Aýyzashar keshi qasıetti Quran aıattaryn oqylýmen bastalyp, Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly el amandyǵy men tynyshtyǵyn tilep, aýyzashar batasyn jasady.

Kesh aıasynda jamaǵatqa Naýryz kóje usynylyp, Ramazan aıynyń rýhanı mazmuny týraly beınerolık kórsetildi.

Kesh barysynda Memleket jáne qoǵam qaıratkeri Ádil Qurmanjanuly, QR Senat depýtaty Nurtóre Baıtilesuly, Palestına Memleketiniń Tótenshe jáne Ókiletti elshisi Montaser Ábý Zeıd myrzalar quttyqtaý sóz sóılep, rýhanııat salasyndaǵy jumystarǵa qoldaý bildirdi. Dinı basqarma tarapynan qaıyrymdylyq sharasy uıymdastyrylyp, qarttar úıiniń qarııalaryna arnaıy syı-sııapat jasaldy.

Rýhanı kesh sońynda dastarhan batasyn halyq aýyz ádebıetin zertteýshi ǵalym, fılologııa ǵylymynyń doktory, professor Serik Negımov jasady.


























 

​