Múftııat 26 630 balaǵa qýanysh syılady (FOTO)

2019 jańa oqý jyly qarsańynda «Mektepke jol» aktsııasyna Qazaqstan musylmandary dinı basqarmasy da belsendi túrde atsalysyp, meshitter tarapynan qaıyrymdylyq is-sharalar uıymdastyryldy.

Bas múftı Serikbaı qajy Orazdyń bastamasymen bıyl 26 630 oqýshyǵa sómkeler, oqýǵa qajetti quraldar, mektep formasy úlestirildi jáne qarjylaı kómek kórsetildi. Al6 2018 jyly osyndaı ıgi shara aıasynda QMDB 18 986 oqýshyǵa qýanysh syılaǵan bolatyn.   

Respýblıka boıynsha, barlyq meshitterde qaıyrymdylyq sharasy tamyz aıynyń 11-30 kúnderi ótti. Atap aıtqanda, Túrkistan oblysy 3502, Taldyqorǵan qalasy 1500, Qyzylorda oblysy 1472, Nur-Sultan qalasy 1154, Shymkent qalasy 1100, Almaty qalasy 1000 balaǵa mektep sómkesi men oqý quraldaryn úlestirdi. Basqa da oblystar osy bastamaǵa súbeli úles qosty.

Qazaqstan musylmandary dinı basqarmasy mundaı saýapty jumystardy aldaǵy ýaqytta da jalǵastyra bermek.

​