MÚFTILER ALQASYNYŃ KEZEKTI MÁJILISI ÓTTI (FOTO)

20 aqpan 2024 578 0
Оqý rejımi

Búgin Almaty qalasynda Bas múftı Naýryzbaı qajy Taǵanulynyń bastamasymen qurylǵan QMDB janyndaǵy Múftıler alqasynyń kezekti májilisi ótti.

Májiliske múftııatty ár jyldary basqarǵan Rátbek qajy Nysanbaıuly, Erjan qajy Malǵajyuly, Serikbaı qajy Oraz qatysty.

«Alla Taǵala qasıetti Quranda «Álı Imran» súresiniń 159-aıatynda ardaqty Paıǵambarymyzǵa (oǵan Allanyń salaýaty men sálemi bolsyn): «Olar úshin jarylqaý tile jáne isterińdi olarmen aqyldas», – dep aıtqan.

Halqymyz «Aqyldyń artyqtyǵy, keńestiń kóptigi joq» deıdi. Búgingi basqosýdyń maqsaty – sizderdiń dinı saladaǵy mol tájirıbelerińiz ben aqyl-keńesterińizdi eskere otyryp, musylman jamaǵatynyń rýhanı birligin nyǵaıtý, elimiz ben jerimizdiń rýhanı damýyna úles qosý. Alla Taǵala ortaq maqsat jolynda ónimdi eńbek ete berýdi násip etsin» dedi Naýryzbaı qajy Taǵanuly.

Basqosýda din qaıratkerleri jastardy jat dinı aǵymdardyń yqpalynan saqtandyrý, halyqtyń rýhanı birligin arttyrý, óskeleń urpaqty otansúıgishtikke tárbıeleý t.b máseleler týraly oılaryn ortaǵa saldy.

Pіkіrler Kіrý