MÚFTILER ALQASY «ISLAM JERGILIKTI HALYQ DÁSTÚRIN QOLDAIDY» QUJATYN QABYLDADY
Elordada Qazaqstan musylmandary dinı basqarmasynyń uıymdastyrýymen ótken Túrki memleketteri uıymy Múftıler alqasynyń V májilisinde «Islam jergilikti halyq dástúrin qoldaıdy» qujaty qabyldandy.
Atalǵan qujat mátininde: «Din men dástúrdiń sabaqtastyǵy túrki halyqtarynyń mádenıetinde erekshe oryn alady. Biz osy mańyzdy máseleni sharıǵı turǵydan halyqqa túsindirýdi jón sanaımyz. Bizdiń maqsatymyz – san ǵasyrlardan beri qalyptasqan dástúrli dinı tanymymyzdy jańsaq joramaldardan qorǵaý. Din men dástúrimizden búr jarǵan ulttyq bolmysymyzdy, ádet-ǵurpymyzdy saqtaý. Ejelden qalyptasqan musylmanshylyq dástúrlerimizdi, mázhabymyz ben mektebimizdi qaıta jańǵyrtyp, ǵasyrlardan jetken muralarymyzǵa ıe bolý. Qoǵamdy yntymaqqa uıytatyn, birlikke bastaıtyn qundylyqtardy qadirleý. Dástúrinen, dininen, dili men tilinen, ádet-ǵurpynan ajyraǵan eldiń bolashaǵy joq. Sol úshin rýhanı qundylyqtarymyzdy qunttaı bilý asa mańyzdy» delingen.
