Mońǵolııa musylman odaǵy basshysy mereıtoımen quttyqtady

Mońǵolııa musylman uıymdary «Din Islam» odaǵynyń tóraǵasy Batyrbek qajy Hadysuly Bas múftı Serikbaı qajy Orazǵa quttyqtaý hat joldady. QMDB qyzmetkerlerin 30 jyldyq mereıtoıymen quttyqtaǵan Batyrbek qajy Hadysuly óziniń aq tilegin arnady.

«Qazaq eli musylmandarynyń qara shańyraǵy Qazaqstan musylmandary dinı basqarmasy qurylýynyń 30 jyldyq mereıtoıymen quttyqtaımyn! Bul mereıtoı – sizderdiń ǵana emes dúnıeniń túpkir-túpkirindegi Alash jurtyna ortaq mereke.

QMDB egemendik alýdan buryn ornaǵan Qazaq eli táýelsizdiginiń berik tuǵyrlarynyń biri ári biregeıi dep bilemin. Qazaq halqyn haq dinge shaqyryp, jaqsylyqqa úndep, jastardy ımandylyqqa tárbıelep, jamaǵatty yntymaq-birlikke uıytyp, beıbitshilik pen tatýlyqty nyǵaıtýǵa uıytqy bolyp kelesizder» delingen quttyqtaý hatta.