Mıssııa jumys toby qajylardyń jaǵdaıymen tanysýdy jalǵastyrýda(FOTO)

Búgin ádettegideı Qazaqstan qajylyq mıssııasynyń jumys toby birneshe kompanııaǵa tekseris júrgizdi.

Atap aıtqanda, «Ál Marýa», «Nur Qazaqstan», «Sanabil», «Sembekova», «Ordabasy» jáne «Iman trEvel» fırmalarynyń ornalasý jaǵdaıymen tanysty. Mıssııa birinshi kezekte qoıylǵan talaptar boıynsha anketalyq saýalnamaǵa jaýap aldy. Kóp uzamaı mıssııa tóraǵasy Alaý Ádilbaev bastaǵan jumys toby as mázirinen bastap, ashanadaǵy kezek, tamaq sapasy, bólmelerdegi jeldetkish, dárethanalardyń tazalyǵy men qonaq úılerdiń Qaǵbaǵa alys jaqyndyǵyna deıin tekserildi.

Sondaı-aq qajylardy Qaǵbaǵa jetkizý úshin bólingen avtobýstar men ulttyq rámizderdiń ár qonaqúıde jarqyrap turýyna erekshe den qoıylyp otyr. Tekserý barysynda birneshe fırmanyń aılyq jáne aptalyq baǵdarlamalary joq bolyp shyqty. Mıssııa jumys toby olarǵa eskertý jasap, arnaıy belgilengen standart boıynsha talap kúsheıe túsetinin jetkizdi. Degenmen reıd barysynda kóptegen kompanııalardyń sannan sapaǵa qaraı aýysyp kele jatqany qýantty. Bul óz kezeginde árbir qajynyń eńbek etip jıǵan tıynynyń qaıtarymy bolyp qala bermek.

Shara barysynda dárigerler tobynyń jetekshisi Birjan Dosmaılov sóz alyp, aptaptan qorǵaný joldaryn túsindirip, naýqastanǵan jandardy jeke qabyldady. Mundaı tekserý jumystary taǵy da jalǵasyn tabady.