Mıssııa jumys toby barlyq qajylyq fırmalaryn tekserýdi aıaqtady (FOTO)

Arnaıy qurylǵan Qazaqstan qajylyq mıssııanyń jumys toby kompanııalardy tekserýdi aıaqtady.

Sońǵy baqylaý jumystary «Ańsar krýız», «Robınzon» jáne «Hıkmet trEvel» fırmalaryna jasaldy. Osylaısha mıssııa bir aptada 18 kompanııany tolyqtaı tekserip, qajylardyń jaǵdaıymen jiti tanysty. Olar da óz kezeginde sapany arttyrýǵa baılanysty talap tilekterin jetkizdi. Endigi maqsat keler jyly qajylarymyzǵa bıylǵydan da joǵary qyzmet kórsetý jaǵyn nazarda ustaımyz dedi mıssııa tóraǵasy, naıb múftı Alaý Ádilbaev. Óıtkeni keıbir fırmalar alǵan qonaqúıler Qaǵbadan alys ornalassa, keı meımanhanalar talapqa saı kelmeı jatty.

Jumys toby kompanııa basshylaryna olqylyqty der kezinde túzeýge tapsyrma berdi. Bulaı deıtinimiz árbir qajynyń qaltasynan shyqqan qarjyǵa servıs te saı bolý kerek. Odan bólek fırmalar ákeletin gıd máselesi, tamaqtaný, qoǵamdyq kóliktermen qajylardyń Qaǵbaǵa jetýi, kıimniń birkelkiligi, qolsómkelerdiń taratylýy bári de esepke alyndy.

Qorytyndysy qajylyq maýsymy aıaqtalǵan soń jarııalanady.