Mınıstr Serikbaı qajy Orazǵa alǵys bildirdi (FOTO)
Búgin Elordada ótken Qazaqstan musylmandarynyń kezekten tys IH Quryltaıynda Aqparat jáne qoǵamdyq damý mınıstri Dáýren Abaev QMDB-nyń burynǵy tóraǵasy Serikbaı qajy Orazdyń atqarǵan qyzmetine alǵys bildirdi.
Serikbaı qajy Satybaldyulynyń bastamasymen birqatar ıgi jumystar iske asyrylǵany, Dinı basqarma qyzmetin retteıtin birqatar mańyzdy qujattar qabyldanyp, elimizdegi ýaǵyz-nasıhat jumystary júıelengenin atap aıtty.
«Memleket pen dinı basqarmanyń qarym-qatynasyn kúsheıtýge, memlekettiń din salasyndaǵy saıasatyn nyǵaıtýǵa, musylman úmbeti aldynda dinı qyzmetkerlerdiń abyroıy men bedelin arttyrýǵa qosqan eleýli úlesi úshin Serikbaı qajy Satybaldyulyna ózimniń alǵysym men rızashylyǵymdy bildiremin. Sizge zor densaýlyq, otbasyńyzǵa amandyq, rýhanı saladaǵy qyzmetińizge tabystar tileımin» dedi Dáýren Abaev.
Sondaı-aq mınıstr jańa Bas múftı Naýryzbaı qajy Taǵanulyn qyzmetimen quttyqtap, memlekettik-konfessııaaralyq qatynastardy nyǵaıtýǵa, musylman úmbetiniń aýyzbirshiligin, halyqtyń yntymaq-birligin saqtaýǵa septigin tıgizedi degen senim bildirdi.
