Meshittiń áıel jamaǵatyna arab grafıkasynan sheberlik saǵaty uıymdastyryldy (FOTO)

Astana qalasyndaǵy «Yryskeldi qajy» meshitinde áıel jamaǵatyna arnalǵan ózgeshe basqosý bolyp ótti. Meshit ustazy Negmanova Sabınanyń uıymdastyrýymen «Ónerliniń qoly altyn» atty arab grafıkasynan master-klass ótkizilip, jıyrmaǵa jýyq qyz-kelinshekter qylqalam ustap, sheberlikterin shyńdaı tústi.

Aldymen arab áripteriniń jazylý erejesi taqtada kórsetilip, shákirtter men qatysýshylarǵa jazý ádisteri úıretildi. Sońynda arnaıy qylqalam men sııa qoldanyp,  arabsha sózder men Quran aıattaryn qaǵazǵa túsirýge kiristi.

«Yryskeldi qajy» meshitindegi Dinı saýat ashý kýrsyna qatysyp júrgen shákirtterge arab kallıgrafııasy burynnan tanys bolǵandyqtan, olar «Fatıha» men «Yqylas» súrelerin jazyp shyqty.

Aıta keteıik, bul master-klass jumysy aqpan aıy boıy juma namazynan keıin turaqty túrde ótkizilip turatyn bolady. Kelesi sheberlik sabaqtary orys jáne aǵylshyn tilderinde júrgizý de josparlanǵan. Elordamyzdaǵy  sheteldik musylman áıel-qyzdardy qatysýǵa shaqyramyz!