Meshitte jumys isteıtin albınos janǵa tegin sertıfıkat berildi (FOTO+VIDEO)

Búgin Nur-Sultan qalasyndaǵy respýblıkalyq «Áziret Sultan» meshitinde tazalyqshy bolyp qyzmet atqaratyn Nurdildá Múslimov úshin erekshe qýanyshty kún boldy. Tabıǵatynan erekshe bolyp týylǵan ony búgin Qazaqstan Ulttyq arnasyndaǵy «Nıet» baǵdarlamasy arnaıy qonaqqa shaqyrǵan bolatyn.

«Men erekshe» taqyrybynda ótken baǵdarlamaǵa elimizdegi erekshe adamdar arnaıy shaqyrylyp, kórermendermen kezdesý uıymdastyryldy. Solardyń biri – elimizdegi eń uzyn adam bolsa, endi biri – el ishinde «albınos adam» dep atalyp ketken Nurdildá Múslimov boldy. 

Baǵdarlama barysynda elimizdegi erekshe jandardyń densaýlyqtaryna mán berilip, tabıǵat bergen artyqshylyqtarynyń paıda-zııany jaıly da aıtyldy. Tipti, Nurdildányń bel omyrtqasyndaǵy syrqaty da suralyp, qalamyzdaǵy Qytaı emdeý-saýyqtyrý ortalyǵynyń mamandarynyń aqyl-keńesterine júgindi. Baǵdarlama sońynda Nurdildá Múslimovke «Altyn ıne» emdeý-saýyqtyrý ortalyǵynyń tegin sertıfıkaty tabys etildi.