MEShIT JAMAǴATYNA TÁRBIEDEGI ÁKENIŃ RÓLI TÝRALY SEMINAR ÓTTI (FOTO)
Astana qalasyndaǵy «Áziret Sultan» meshitinde ákeniń bala tárbıesindegi róli men mańyzy týraly semınar ótti. «Ákeniń eń úlken syıy – jaqsy tárbıe» dep atalǵan jıyndy bolashaq qarı Muhammed Ahmedı Allanyń kálamy – Quranmen ashyp berdi. Basty taqyryby Paıǵambar hadısinen alynǵan bul jıynda QMDB ýaǵyz nasıhat bóliminiń meńgerýshisi Batyrjan Mansurov taǵylymǵa toly nasıhatyn aıtty.
«Áke úlgi-ónege ıesi bolýy kerek. Balamdy túzetem deseń, aldymen ózińe mán ber. Óıtkeni, áke – balaǵa aına», - dedi ol óz sózinde.
100-den asa adamdy qamtyǵan taǵylymdy jıynnyń basty maqsaty – izgi qoǵam qalyptastyrýda qoǵamnyń kez kelgen múshesimen tyǵyz jumys isteý. Semınarǵa ustazben qosa, qoǵam belsendisi men úlgili ákeler de shaqyryldy. Sonyń biri «Ál-Farabı» meshitiniń jamaǵaty, ulttyq jáne dinı qundylyqtardy dáriptep júrgen Alımov Erseıit. Sondaı-aq, úlgili áke bop otyrǵan Jasulan Rahymjanuly óz balalaryn qarılyqqa tárbıeleýdegi tájirıbesimen bólisip, kóp adam eskere bermeıtin qarapaıym daǵdylardy qalyptastyrýdy usyndy.
Búgingi kezdesý paıdaly ári tyń aqparattarǵa toly boldy. Jıylǵan jamaǵat rýhanı baıyp, óz rızashylyqtaryn bildirdi.
Kezdesý sońynda bala tárbıesine qatysty ata-analarǵa arnaıy daıyndalǵan nusqaýlyq pen balalarǵa táttiler taratyldy.
Sýretter toptamasyn FOTOGALEREIa aıdarynan kóre alasyzdar.
Источник: Aidos
