Meshit jamaǵaty jańa qyzmetke aýysqan ımamdy qurmetpen shyǵaryp saldy (FOTO)

Nur-Sultan qalasyndaǵy «Sádýaqas qajy Ǵylmanı» meshitiniń bas ımamy Baýyrjan Esmahannyń jańa qyzmetke aýysýyna oraı meshit jamaǵaty búgin arnaıy rızashylyqtaryn bildirip, aq tilek-batalarymen shyǵaryp saldy.

QMDB tóraǵasy, Bas múftı Naýryzbaı qajy Taǵanulynyń buıryǵymen Baýyrjan Esmahan «Sádýaqas qajy Ǵylmanı» meshitiniń bas ımamy qyzmetinen bosatylyp, Almaty qalasyndaǵy «Arafat» meshitiniń bas ımamy jáne meshit janyndaǵy qaıyrymdylyq mekemesiniń dırektory qyzmetine aýysqan bolatyn.

Búgin «Sádýaqas qajy Ǵylmanı» meshitine arnaıy kelgen Nur-Sultan qalasynyń bas ımamy Erbolat Júsipov tarıhı meshitte jaýapty qyzmet atqaryp, birqatar ıgi isterge sebepshi bolǵan Baýyrjan ımamǵa ókildik atynan alǵysyn jetkizip, qazaqy dástúr boıynsha ıyǵyna shapan japty.

Aq batasyn arnaı kelgen meshittiń aqsaqaldar qaýymy jańa qyzmetke aýysqan Baýyrjan ımamǵa jamaǵattyń alǵys lebizin jetkizip, atqarǵan jumystaryna dán rızashylyqtaryn bildirdi.

Sonymen birge, jańadan bas ımamdyq qyzmetke taǵaıyndalǵan Hamzat Ádilbekovke de sáttilik tilep, batasyn berdi.