Meshit jamaǵaty muqtajdarǵa 4 tonna kartop taratty

Aqjar aýylyndaǵy Baıjigit baba meshitiniń ımamy Amankeldi qajynyń uıymdastyrýymen meshit jamaǵaty úlken qaıyrymdylyq jasady. Atap aıtsaq, Jetiaral aýyldyq okrýgine qarasty Bolat jer teliminiń 2 gektaryna egilgen kartop ónimderi túgelimen el ıgiligine jumsalýda. Aqjar aýylyndaǵy az qamtylǵan 50 otbasyǵa 4 tonna kartop túgel taratylyp berildi. Bul jaıly Tarbaǵataı aýdanynyń ákimdigi óziniń áleýmettik jelidegi paraqshasynda habarlady.

Sondaı-aq, turmysy aýyr 2 otbasyǵa 80 myń teńge aqshalaı kómek berilse, taǵy 2 otbasyǵa áleýmettik mańyzy bar azyq-túlikter taratyldy.

Táýelsizdik kúnine arnalǵan osyǵan uqsas taǵy da basqa qaıyrymdylyq aktsııalary jalǵasady deıdi uıymdastyrýshylar.