Meshit shákirtteri arasynda «Nýrýl-ıaqın»  kitabynan jarys ótti (FOTO)

Nur-Sultan qalasyndaǵy «Raısa ana» meshitinde ardaqty Muhammed (s.ǵ.s.) paıǵambarymyz týylǵan Máýlit aıynyń qurmetine oraı rýhanı kesh bolyp ótti. Adamzat balasyna bilim men aqıqat nuryn shashqan Islam dinin alyp kelgen Paıǵambarymyzǵa arnalǵan Máýlit keshinde Quran jáne Máýlit oqylyp, Súıikti elshige (s.ǵ.s.) sansyz salaýattar aıtyldy. «Ol (s.ǵ.s.) eń súıikti jan!» beıne rolık, «Ol dúnıege kelgen kezde qandaı oqıǵalar oryn aldy», «Salaýat aıtýdyń 10 paıdasy» t.b. beıne-slaıdtar men kórinister kórsetildi.

Rýhanı keshtiń basty oqıǵasy retinde «Nýrýl-Iaqın» kitabynyń qazaqsha aýdarmasynan «JÚZDEN JÚIRIK»  atty 6 topqa toptalǵan 60 shákirt arasynan jarys uıymdastyryldy. Arnaıy daıyndalǵan 130 suraqqa jaýap berý arqyly  shákirtterdiń bilim sarapqa salynyp, meshit qyzmetkerleri Elimaı Utysqan, Ábjanov Abdýalı, Dildahanov Aqjan saıysqa tórelik etti.

Rýhanı Máýlit keshi aıasynda din men dástúr sabaqatastyǵy da jańǵyryp, «Raısa ana» meshitiniń bas ımamy Qalıjan Baıyrbekuly Aıdar esimdi jamaǵattyń balasy Nurmuhammedtiń tusaýyn kesip, aq batasyn berdi.