Meshit qyzmetkerleri qarttarǵa qurmet kórsetti (FOTO)

«Nur-Sultan» qalasyndaǵy «Rahymqyzy Raısa ana» meshitiniń qyzmetkerleri Bas shahardaǵy Qarttar úıin zııarat etip, qarııalarǵa arnap «Qarttarym – asyl qazynam» atty shara uıymdastyryp qaıtty.

Qasıetti Quran aıattarymen bastalǵan shara barysynda «Raısa ana» meshitiniń naıb ımamy Hamıt Álipbekuly qarııalar qaýymyna ýaǵyz aıtyp, nasıhat júrgizdi. Qarttar úıindegi taǵdyrdyń talqysyna túsken ata-ájelerge meıirimdilik tanytyp, qamqorlyq kórsetti. Meshiti  ujymy «Raısa Ana qyz-kelinshekter mektebimen» birigip, arnaıy dastarhan jaıdy. Sonymen qatar, dástúrli ánder shyrqalyp, qarttardyń júzine qýanysh uıalatty. Shara sońynda qarttarymyz sheksiz alǵystaryn jaýdyryp, jastarǵa uzaq ǵumyr tiledi.