Meshit ımamy úısiz jandardy jýyndyryp, tamaqtandyryp keledi
Túrkııanyń Stambýl qalasyndaǵy Selıme hatýn meshiti bul kúnde shahardaǵy úısiz jandardyń súıikti mekenine aınalǵan. 52 jastaǵy meshit ımamy Ýsman Gekremniń bastamasymen qulshylyq ordasy kúnine ondaǵan janǵa baspana bolyp keledi. Bul jerde úısiz jandarǵa dýsh qabyldap, ystyq tamaq iship, jaıly tósekte túnep shyǵýlaryna jaǵdaı jasalǵan.
«Alǵashynda bizge kúnine 3-5 adam kelip, kúndelikti dýshqa túsip ketetin. Al, qazir kúnine 50-den astam adam jýynyp qaıtýǵa keledi. Tipti, qalanyń alys aýdandarynan osynda keledi», – deıdi meshit ımamy.
«Men únemi olardyń qaıda jýynyp, qaıda tamaqtanatyny týraly oılaıtynmyn. Ózderine kerekti zattardy qaıdan satyp alatynyn týraly. Óıtkeni, olardy kóbine eshkim kerek etpeıdi ǵoı. Aqshasy bolmaǵandyqtan emes, ústerindegi jaǵymsyz ıis pen las kıimderi úshin olardy shashtaraz men monshaǵa da kirgizbeıdi».
Selıme hatýn meshitiniń búginde osyndaı jandarǵa arnalǵan kıim qoımasy da qalyptasyp úlgergen. Al, Ýsman Gekremniń ózi bolsa, qoly bos kezderde úısiz jandardyń shashyn qıyp beretin kórinedi.
