Meshit baqshasy ónim bere bastady

«Nur Ǵasyr» oblystyq ortalyq meshitiniń qyzmetkerleri bıyl meshit aýlasyndaǵy shamamen 50 sharshy metr jerdi baqsha ornyna paıdalandy.

Onda qııar, qyzanaq, asqabaq, askók, pııaz, kartop, baklajan, túrli tústi qyryqqabat, tátti burysh sekildi túrli kókónister egildi. Baqsha - qazandyq qyzmetkerleriniń qaraýynda. Kúnara sýarylady. Tipti sýyq kúnderi jas ósindilerdi jaýratpas úshin, ústine túrli jabyndy jabylyp, kásipqoı baǵbandardikindeı kútim jasaldy. Sonyń arqasynda búginde baqsha daqyldary birtindep ónim bere bastady. Qııar jemisin berip, «alyp» asqabaqtar da ósýde.

Baqsha ónimderi ashananyń qajettiligine, kúndelikti as ázirleý kezinde paıdalanylmaq. Sondaı-aq, qystyń qamyn qylyp, túrli salattar ázirleýge de qoldanylmaq.