Memleket basshysy Qazaqstanda tótenshe jaǵdaı jarııalady

Qazaqstan Prezıdenti Qasym-Jomart Toqaev respýblıkada tótenshe jaǵdaı jarııalaý týraly qaýlyǵa qol qoıdy.

Atalǵan qaýlyda:

«Qazaqstan Respýblıkasy halqynyń qaýipsizdigin qamtamasyz etý maqsatynda Qazaqstan Respýblıkasy Konstıtýtsııasynyń 44-babynyń 16) tarmaqshasyna jáne «Tótenshe jaǵdaı týraly» Qazaqstan Respýblıkasy Zańynyń 4, 5, 6-baptaryna sáıkes QAÝLY ETEMIN: 

1. Dúnıejúzilik densaýlyq saqtaý uıymynyń jańa COVID-19 koronavırýsyn pandemııa dep jarııalaýyna baılanysty azamattardyń ómiri men densaýlyǵyn qorǵaý maqsatynda Qazaqstan Respýblıkasynyń barlyq aýmaǵynda 2020 jylǵy  16  naýryzdaǵy 08  saǵat 00 mınýt pen 2020 jylǵy 15 sáýirdegi 07 saǵat 00 mınýt kezeńinde tótenshe jaǵdaı engizilsin. 

2. Tótenshe jaǵdaıdyń kezeńinde Qazaqstan Respýblıkasynyń Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııa osy Jarlyqqa qosymshaǵa sáıkes quramda qurylsyn jáne oǵan «Tótenshe jaǵdaı týraly» Qazaqstan Respýblıkasynyń Zańynda kózdelgen ókilettikter berilsin. 

3. Tótenshe jaǵdaıdyń kúshinde bolý kezeńinde mynadaı sharalar jáne ýaqytsha shekteýler engizilsin: 

1) qoǵamdyq tártiptiń saqtalýy, asa mańyzdy memlekettik jáne strategııalyq, erekshe rejımdik, rejımdik jáne  erekshe qorǵalatyn obektilerdiń, sondaı-aq halyqtyń tynys-tirshiligin jáne kólik qyzmetiniń jumys isteýin qamtamasyz etetin obektilerdiń kúzetilýi kúsheıtilsin; 

2) iri saýda obektileriniń jumys isteýine shekteý qoıylsyn; 

3) saýda oıyn-saýyq ortalyqtarynyń, kınoteatrlardyń, teatrlardyń, kórmelerdiń jáne adamdar kóp jınalatyn basqa da obektilerdiń qyzmetin toqtata tursyn; 

4) karantın engizsin, sanıtarııalyq-Epıdemııaǵa qarsy aýqymdy is-sharalardy, onyń ishinde Qazaqstan Respýblıkasy Qorǵanys mınıstrliginiń jáne ishki ister organdarynyń halyqtyń sanıtarııalyq-Epıdemıologııalyq salamattylyǵy salasyndaǵy qyzmetti júzege asyratyn qurylymdyq bólimsheleriniń qatysýymen júzege asyrsyn; 

5) oıyn-saýyq,  sporttyq  jáne basqa da buqaralyq is-sharalardy, sondaı-aq  otbasylyq,  salt-dástúr is-sharalaryn ótkizýge tyıym salynsyn; 

6) Qazaqstan Respýblıkasynyń jáne shet memleketterdiń dıplomatııalyq qyzmetiniń personalyn, sondaı-aq  Qazaqstan Respýblıkasy Syrtqy ister mınıstrliginiń shaqyrýymen Qazaqstan Respýblıkasyna keletin halyqaralyq uıymdar delegatsııalarynyń múshelerin qospaǵanda, Qazaqstan Respýblıkasynyń aýmaǵyna kóliktiń barlyq túrlerimen kirýge, sondaı-aq onyń aýmaǵynan shyǵýǵa shekteýler belgilensin. 

4. Tótenshe jaǵdaı rejımi kezinde qoldanylatyn sharalardyń iske asyrylýyna jaýapty bolyp Qazaqstan Respýblıkasynyń Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııa, Qazaqstan Respýblıkasynyń Ishki ister mınıstrligi, Qazaqstan Respýblıkasynyń Ulttyq qaýipsizdik komıteti, Qazaqstan Respýblıkasynyń Qorǵanys mınıstrligi, Qazaqstan Respýblıkasynyń Densaýlyq saqtaý mınıstrligi, Qazaqstan Respýblıkasynyń Indýstrııa jáne ınfraqurylymdyq damý mınıstrligi, Qazaqstan Respýblıkasynyń Qarjy mınıstrligi, Nur-Sultan, Almaty, Shymkent qalalarynyń jáne oblystardyń ákimderi aıqyndalsyn. 

5. Qazaqstan Respýblıkasynyń Bas Prokýrory osy Jarlyqta belgilengen sharalar men ýaqytsha shekteýlerdi iske asyrý kezinde zańdylyqtyń saqtalýyn qamtamasyz etsin. 

6. Qazaqstan Respýblıkasynyń Úkimeti:

1) tótenshe jaǵdaı rejımin qamtamasyz etý úshin Qazaqstan Respýblıkasynyń Úkimeti rezervinen qajetti qarajattardy bólsin;

2) medıtsınalyq tekserýden jáne emdelýden, karantındik rejımdi saqtaýdan bas tartatyn, Epıdemıologııalyq jaǵdaıdy aıqyndaý úshin mańyzy bar derekterdi jasyratyn adamdarǵa baqylaý, sondaı-aq atalǵan adamdardyń jaýaptylyǵynyń sharalary kúsheıtilsin;

3) ortalyq jáne jergilikti memlekettik organdarmen birlesip, Qazaqstan Respýblıkasynyń aýmaǵynda COVID-19 koronavırýsynyń taralýyn boldyrmaý maqsatynda osy Jarlyqty iske asyrý jóninde ózge de sharalardy qabyldasyn. 

7. Osy Jarlyq qol qoıylǵan kúninen bastap qoldanysqa engiziledi», - delingen.