Medrese dırektory «Y. Altynsarın-2019» baıqaýynyń úzdigi atandy (FOTO)
Amırov Abzal Maılybaıuly basqaratyn «Úshqońyr medrese kolledji» bıylǵy oqý jylyn, jaǵymdy jańalyqtarmen bastady. 2019 jyly kolledj IýNESKO-nyń qaýymdastyrylǵan assotsııasyna (AShIý v RK) múshe bolyp tirkeldi jáne 14 stýdent Respýblıkalyq Kishi ǵylymı akademııasynyń praktıkalyq konferentsııalarynda júldeli oryndarǵa ıe boldy. Kolledjde – 24 ustaz eńbek etedi. Onyń 67 % joǵary jáne birinshi sanatty. Stýdentterdiń bilimi men tájirıbesin ushtastyrýyna QMDB meshitterimen jáne t.b. mekemelermen eki jaqty turaqty kelisim shart jasaldy. Túlekterdiń jumysqa ornalasýy búgingi tańda 95% jetti.
Únemi shyǵarmashylyq izdeniste júretin onyń eńbegi budan da buryn elenip, QMDB jáne BǴM – nyń «Qurmet gramotasymen», «Alǵys hatymen» marapattalǵan Abzal Maılybaıuly QR bilim jáne ǵylym Mınıstrliginiń jáne Qazaqstan pedagogtar qaýymdastyǵynyń sheshimimen bilim jáne tárbıe úderisiniń damýyna, oqytý men tárbıeniń biryńǵaı júıesin qamtamasyz etkenine qosqan eleýli úlesi úshin «Y. Altynsarın» tósbelgisimen marapattaldy.
Marapattaý rásimin QMDB-nyń Almaty oblysy, Almaty aımaǵy boıynsha ókili, «Qarasaı batyr» meshitiniń bas ımamy Narjanov Qýanysh Baqytbekuly saltanatty túrde Abzal Maılybaıulyn shyn júrekten quttyqtaı otyryp, urpaq tárbıesindegi jumystarynyń jemisti bolýyna tilekpen tabystady.
